أدخل ستموت ضحكاً

قالك هدا واحد مبوق قال لصاحبه حلمت اننا ولينا فنانين انت فنان تشكيلي وانا فنان نشكيلك

هذا واحد الــــ ساكن في المحلبة، ولدو بات بلا عشاء ، قال ليه أبا فيا الجوع ، باههز الريدو وقال ليه: شوف الحوانت كلهم سادين

عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوزعليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاشالعيال سأل مراته فين العيال قالتله كل عيل أبوه جه خده.

هدا واحد الــــ سايق موطور ديالو أمركب من وراه خنشة ديال طحين .. منين كان غادي تلفت مراه أهو يموت. علاش?.........لق خط ديال طريق دايز فلبيض تيسحابلو طحين دفﮓ.

هدا واحد شدوه البوليس وقالو ليه : جيبلاكارت قاليهوم : واش تاع اتصالات ولا مديتيل ؟ قالوليه : كتفلى علينا ... عطاوهواحد السلخة واعرة ( ضربوه )
وقالوا ليه : كي جاتك التعبئة ؟قاليهوم : مزيانة , الحمد لله لي ما فيهاش التعبئة مضاعف.

الأول : لمادا القطار مهم؟ الثاني : لأن تحته خطين

حد مبغاش طموبيل تخدم ليه..علاش..بغات تكمل قريتها

SADIQ شرا جوج بيضات.. قال لمراتو ..طيبي وحدة نتغداو بيها.. واللي بقا أرا ليا للحلاوي والتبرعات QUALITE...DE

حمق سولو صاحبو خوتك اش سميتهم.. قال ليهم كلهم سميتهم محمد الا فيصل سميتو خالد

واحد دخل ليه الما فودنو.. دخل ليها الضو وكراها..

واحد عينيه خضرين.. حيت باقي مطابو

واحد كينسى بزاف.. واحد نهار غادي وطاح.. مني ناض قال "سمع الله لمن حمده"

واحد راجع من طليان غير بصاك علا ظهرو.. لوالدة ديالو قالت ليه مالك اوليدي راجع ليا بصاك.. ولد الجيران راجع بطموبيل ولد عمك بكاميو.. قال ليها الواليده هادوك خدامين فالغبرة.. قالت ليه واش فيها خدم فيها ومني ترجع دوش..

واحد حلم أن 200 درهم توضرات ليه... بقا ناعس 3 ايام حلف ميفيق تيلقاها

هدا واحد جوج ثلاثة اربعة تحماو على زيرو.. زيرو شاف القضية حامضة.. تحزم.. ولا ثمانية عطاهم لعصا

جوج فراشات خارجات يدورو شافو سراق الزيت فالحيط قالو يخ ولاد الكاريان جاو

استاد سول الدراري شحال خمسة فخسمة تاواحد جاوب من غير واحد الكسول قال ليه 25 هويقول ليه غوت سمعهم وهو يغوت وعععععععععععع

استاد سول دراري على معنى السيجارة بالفرنسية نقز واحد قال ليه ماركيز

سبع كيدور فالغابة فالصومال شافو صومالى تخلع سخف السبع جا شافو باسو وحطو فالجنب..حساب ليه خبز كارم

واحد شرا سلوقي يصيد بيه ولكن كيسمع صوت البارود كيخاف ويهرب السيد قال نديه لموسم التبوريدة يولف على صوت البارود مشا ربطو حدا شي مراوات واحد الوقت داه معاه يصيد غير السيد ضرب حجلة والكلب سمع الصوت هو يطلق تزغريدة

واحد معكس ديما شاد الضد قالو ليه صحابو حيد ديك السنة لمسوسة هتسوس ليك السنان مشا عند الطبيب وبدا يقول ليه حيد ليا هادي وحيد هادي وحيد هادي خلا غير السنة لمسوسة وقال ليها بقيتي بوحدك وشوفي اش هتسوسي دابا

غليظ بزاف تبارك الله مشا يتعبر وقف فالميزان خرجات ليه مكتوب فيها خوتي واحد واحد الله يخليكم

قزم مشا يتصور صورة يدير لكارط ناسيونال هو يخرج فيها كامل

طويل بزااااف شرب كاس لحيب ومات جاو شوفوا لقاو لحليب مجا يوصل للمعدة حتا انتهت مدة الصلاحية

واحد مشا عند صاحبو للمدينة وعرض عليه للفريت و لمايونيز وقال ليه لفريت اه ولكن الزبدة علاش

واحد سول صاحبو على معنى pourquoi وهو يقول ليه علاش وقل ليه لا غير سولتك

واحد قالو ليه هتمثل لينا اشهار مع السبع انه كياكلك وهنفسرو ليك كلشي وقال ليهم سيرو فسرو للسبع بعدا

معكاز واحد النهار مراتو كدق الباب نسات الساروت مفيه مينوض قال ليها سيري لدار باك راك مطلقة

واحد بايت بالجوع حلم راسو كياكل لملاوي فاق لقا راسو صارط كاشا

راجل معقول غادي وطاح فحفرة ناض منها وشاف حفرة قدامو قال اف عوتاني هنطيج

واحد شرا طموبيل ودارها طاكسي غادي بيها الناس كيقولو ليه طاكسي طاكسي وكيقول ليههم عرفتو طاكسي عرفتو

واحد قالت لراجلها حلمت البارح شريتي ليا لبسة واعرة وقال ليها اليوم حلمي راسك لابساها

واحد ديما كيهز شي حاجة من دارهم واحد النهار شفر بورطابل ديال خوه تاصلو بيه من الدار قالو ليه رد البورطابل وقال ليهم نتوما اي حاجة تمشي لصقوها فيا

واحد غادي وقف عليه شفار بموس قال ليه تلفون ديالك قال ليه قيد عندك 061

واحد سميتو مبارك شرا حولي داخل بيه للدرب جارتو شافتو من الشرجم قالت ليه مبارك الحولي قال ليها خدوج النعجة

قالك هادي واجد الطيارة هازا غي الحماق واحد كايغوت واحد كاياكول فراسو كل واحدو شنو يديز مهم صدعو بيلوط خرج باش يسكتهم بانليه واحد جالس فواحد القنيت طرانكيل مشا عاندو بيلوط قالو الله يخليك شوف كدير تسكتهم و من بعد 5 دقايق سمع الطيارة سكتت خرج شاف لقى غير هاداك السيد الي دوا معاه قالو فين مشاو هادوك قالو راه قتلم الي بغا يلعب يخرج يلعب برا راكم صدعتو البيلوط

هادو واحد جوج سرقو بانكا مشاو لدار عياو كايحسبو واحد قال لصاحبو غير نعس دابا غدا ها يقولو فالأخبار شحال سرقنا

قاليك هدا واحد الراجل ادخل القهوة و هو يقوليهم لماكايخافش من مراتو يخرج كلشي هرب حتى مول القهوة الا واحد الراجل بقى جالس و هو يقوليه مالك نتا ماهربتيش بحالهم واش ما كاتخافش من مراتك قاليه لا راه مراتي قالت لي ماتحركش من بلاصتك حتى نرجع ليك

هدا واحد عرف رقم التيليفون ديال واحد الجن و لا كل ساعة اسيفط ليه بسم الله الرحمان الرحيم

واحد المرا ركبات مع الطاكسي الصغير ملي وصلها قاتلو شحال الثمن؟؟ قا ليها 10 دراهم و هي تعطيه 5 دراهم قل ليها أشهاد شي قالت ليه و نتا أوليدي باغي تركب فابور 5 دراهم ديالي 5 دراهم ديالك

واحد معكاز بزااااااااااف قل لصاحبو دبرت على خدمة قا ليه مبروك فين ؟؟؟قالو فمطبعة كانكلس فوق الوراق باش ما يطيروش

- قال ليك واحد المعلم قال لتلاميد ديالو لي كايحس ب راسو مكلخ شي شوية
يوقف ناد واحد قال ليه علاش كاتحس براسك مكلخ قال ليه وقفت لحقاش شفتك واقف بوحدك

واحد مشا عند شوافة(العرافة) قا ل ليها بغيت تشوفي ليا واش نقدر نعيش 40 عام.. قالت ليه واش كتكمي..(هل تدخن)قال لا..واش كتشرب... لا... واش كتبع دريات(البنات)... لا... قالت وعلاش بغي تعيش 40 عام .

استاد ديما يسول دراري ..باش تعشيتو.. دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصي ولدي... دري قالها لباه.. باه قال ليه مني يسولك رد عليه بالدجاج... الغد استاد سول الدري.. الدري قال ليه بالدجاج... سولو شحال من واحدة.. قال ليه جوج زلافات

استاد بغا يدير فرض لدراري على غفلة..قال ليهم عندكم غدا فرض على غفلة

تاجرسقرام حاط فالمحل قدام لاكيس مرايا...باش مني يهز لفلوس يتأكد انو هو مشي واحد أخر

واحد تصور بين 2 حمير أو سيفطها لصديقتو و كتب تحتهاْْْْ ملاحظة أنا الموجود في الوسط

واحد معلم فواحد القسم ديال الكسالى رسم لهم ضفدعة حداها رقم 1 ..كل واحد كيف تكون
اجابتو"ظفدعة و1ٍٍ" ."1+ضفدعة"...في ألأخير ناض واحد الكسول اجاوب و قال :ضفدعتعشر

لا تخرجوا الا برد.......... من فضلكم hh

hhhhh dahdouki wa3rin

boharro.... hhhhhhhhhhhhhhhh tichatihina khatar tbarkallah 3lik a ichrak amani than tofid ma t3awdamthant hennam nikh hhhhhhh

hhhhh fachkal thihouj ya .....thani n pourquoi kta ----natchakarichak